Ég vona að allir hafi notið æfingarinnar í kvöld.
Eins og ég tilkynnti á æfingunni í kvöld þá er ráðgert að flytja í nýja húsnæðið okkar að Ármúla 19 í kringum 1. Apríl næstkomandi. Ég vona að allir séu jafn spenntir og ég á að komast í nýtt dojo.

Ju-Jitsualmanakið var einnig auglýst á æfingunni og kostar kr. 1.500 kr., sýningareintak hangir uppi í dojo.

Það má segja að það lítur út fyrir að það verður spennandi vor hjá okkur í Ju-Jitsufélagi Reykjavíkur. Í síðustu viku var skrifað undir leigusamning að nýju æfingarhúsnæði Ju-Jitsufélagsins sem er að Ármúla 19 (sjá kort).

Núverandi æfingarhúsnæði okkar að Faxafeni hefur verið aðsetur okkar undanfarin 10 ár og okkur hefur liðið vel þar enda fínt dojo. En núna er komið að kaflaskiptum í sögu félagsins með því að við erum að komast í mun stærra og henntugara húsnæði.

Það eru komnar myndir frá sýningu ju-jitsu á Vetrarhátíð Reykjavíkurborgar á Facebook.